Сіздерді кәсіби мерекелеріңіз – Ұстаздар күнімен шын жүректен құттықтаймын!
Ұстаз болу – жай ғана мамандық емес, бұл – үлкен жауапкершілік пен төзімділікті, жүрек жылуы мен шексіз сабырлылықты талап ететін мәртебелі миссия. Жас ұрпаққа сапалы білім мен саналы тәрбие беріп, олардың болашағына жол сілтеп жүрген еңбектеріңіз әрдайым жоғары бағалауға лайық.
Мектебіміздің жетістігі мен білім сапасы – әрқайсыңыздың күнделікті тынымсыз еңбектеріңіз бен өз ісіңізге деген адалдығыңыздың нәтижесі.
Осы атаулы мерекеде сіздерге мықты денсаулық, отбасыларыңызға амандық пен береке, кәсіби жолдарыңызда шығармашылық табыс пен толағай жетістіктер тілеймін!
Еңбектеріңіздің жемісін көріп, шәкірттеріңіздің жетістігі мен қуанышына бөлене беріңіздер!
Мерекелеріңізбен, құрметті ұстаздар!
Унгарбаев Амангельды Ибрагимович
Әл-Фараби атындағы №21 мамандандырылған гимназия директоры