Күншуақ жазғы лагерінде өткен «Мисс лагерь» сайысы балалар үшін ерекше әсерлі әрі қызықты шара болды. Сайысқа қатысушылар өздерінің жан-жақты қабілеттерін көрсетіп, көрермендердің ыстық ықыласына бөленді.
Сайыс бірнеше кезеңнен тұрды. Алғашқы таныстыру бөлімінде қыздар өздерін таныстырып, армандары мен қызығушылықтары туралы әсерлі әңгімеледі. Әр қатысушы өзіндік ерекшелігін көрсетіп, сенімді түрде өнер көрсетті.
Өз өнері бөлімінде қатысушылар ән айтып, би билеп, өлең оқып, шығармашылық қабілеттерін паш етті. Балалардың өнеріне көрермендер қошемет көрсетіп, ерекше әсер алды.
Ал сән үлгісі бөлімінде қыздар әсем киімдерін таныстырып, сахнада еркін жүріп, талғампаздықтары мен сұлулықтарын көрсетті. Бұл кезең сайыстың ең көрікті әрі есте қаларлық сәттерінің бірі болды.
Сайыс қорытындысы бойынша Амантаева Адина І орынға, ал Фрунзе Мөлдір мен Нурмухамбетова Томирис ІІ орынға ие болды. Жеңімпаздар марапатталып, көрермендердің зор қошеметіне бөленді.
Бұл сайыс балаларға өздерін еркін көрсетуге, шығармашылық қабілеттерін дамытуға және достық қарым-қатынасты нығайтуға үлкен мүмкіндік сыйлады. Балалар көтеріңкі көңіл күймен, жарқын әсерлермен және ұмытылмас естелік